بەرپرسانی ئەمریكی رەزامەندییان لەسەر بەكارهێنانی دەرمانێك بۆ نەخۆشیی زەهایمەر دەربڕی كە توانای خاوكردنەوەی نەخۆشییەكەی هەیە و دەبێتە بژاردەیەكی باشی نوێ بۆ نەخۆشییەكە لە قۆناغەكانی سەرەتایدا.
كارگێڕیی خۆراك و دەرمانی ئەمریكی رۆژی سێشەممە بڕیاریدا لەسەر بەكارهێنانی دەرمانی (كیسونلا)ی بەرهەمی كۆمپانیای (ئیلی لیلی) بۆ چارەسەری حاڵەتە سەرەتایی و سووكەكانی لەبیرچوونەوە بەهۆی نەخۆشیی زەهایمەرەوە.
(كیسونلا) تەنها دووەم دەرمانە كە سەلمێندراوە توانای دواخستنی تێكچوونی یادگە و لەبیرچوونەوەی لای نەخۆشەكان هەیە، پاش ئەوەی ساڵی رابردوو رەزامەندی لەسەر دەرمانێكی هاوشێوەی بەرهەمی كۆمپانیای دەرمانی (ئیسای)ی ژاپۆنی درا.
دواخستنەكە بەهۆی بەكارهێنانی هەردوو دەرمانەكە دەگاتە چەند مانگێك.
پێویستە لەسەر نەخۆش و خێزانەكانیان بەراورد لەنێوان ئەو سوودە و لێكەوتە نەرێنییەكانیدا بكەن، لەوانەش وەرگرتنی لەڕێی خوێنەوە و كاریگەرییە لاوەكییە مەترسیدارەكانی وەك ئاوسانی مێشك.
ئەو پزیشكانەی چارەسەری نەخۆشانی زەهایمەر دەكەن دەڵێن، بەدەستهێنانی رەزامەندی لەسەر دەرمانە نوێییەكە، هەنگاوێكی گرنگە پاش چەند دەیەیەك لە تاقیكردنەوەی چارەسەری شكستخواردوو.
