لە سنووری ناحیەی سەرقەڵا مێردمنداڵێک کەوتە ژێر تایەی تراکتۆرێکەوە و گیانیلەدەستدا.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئێوارەی ئەمڕۆ مێردمنداڵێک لەکاتی کێڵانی زەویدا لە سنووری ناحیەی سەرقەڵا کەوتە ژێر تایەی تراکتۆرێک و برینداربوو، بەهۆی سەختی برینەکەیەوە گیانیلەدەستدا.
دەشڵێت، رووداوەکە بەشێوەیەک بووە، تایەی تراکتۆرەکە کەوتوەتە چاڵێکەوە پاشان مێردمناڵەکە لە تراکتۆرەکە کەوتوەتەخوارەوە و بووە بەژێر تایەکەیەوە.
بەپێی راگەیەندراوەکە، لەلایەن تیمی هاتوچۆی گەرمیانەوە لێکۆڵینەوە لە رووداوەکە دەستیپێکردووە.
