بەپێی پێشبینییەكانی كەشناسی ئەمڕۆ باران ناوچە جیاجیاكان دەگرێتەوە و لە ناوچە شاخاوییەكانیش هەورەبروسكەی لەگەڵ دەبێت.
بەڕێوەبەرایەتیی گشتیی كەشناسی و بومەلەرزەزانیی هەرێم ڕایگەیاند، ئەمڕۆ ئاسمان لە زۆربەی كاتەكان هەوری تەواو دەبێت، لەگەڵ بارینی نمەباران لە کات و ناوچەی جیاجیا.
دەشڵێت، رێژەى بارانەکە لە ناوچە شاخاوییەکان زیاتر دەبێت، هەندێکجار هەورەبروسكەی لەگەڵدا دەبێت.
سەبارەت بە كەشوهەوای سبەی هەینیش بەپێی پێشبینییەكان، ئاسمان هەوری تەواو و نیمچەهەور دەبێت، پاشان دەگۆڕێت بۆ پەڵەهەور.
بەرزترین پلەکانی گەرمای پێشبینیکراوی شارەكانیش بە پلەی سیلیزی بەمجۆرە دەبن:
هەولێر: 28 پلە
سلێمانی: 28 پلە
دهۆک: 27 پلە
کەرکوک: 32 پلە
هەڵەبجە: 30 پلە
زاخۆ: 28 پلە
سۆران: 25 پلە
گەرمیان: 36 پلە
