بەڕێوەبەرایەتیی بەرگریی شارستانیی سۆران رایدەگەیەنێت، بە هۆكارێكی نادیار ئاگر لە پووش و پاوانی پارچە زەوییەك لە قەزای چۆمان كەوتەوە.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی چوارشەممە ئاگاداركراینەوە لە رووداوێكی ئاگركەوتنەوە لە پووش و پاوانی پارچە زەوییەك لە گەڕەكی دێلزێ لە قەزای چۆمان كە راستەوخۆ تیمی ئاگركوژێنەوەی بنكەی بەرگریی شارستانیی چۆمان گەیشتنە شوێنی رووداوەكە، توانیان ئاگرەكە كۆنترۆڵبكەن.
لە راگەیەندراوەكەدا هاتووە، بەپێی ڕاپۆرتی تیمی ناوبراو توانرا باخچەیەك لە سووتان رزگاربكرێت كە هیچ زیانێكی گیانی و ماددی نەبوو.
