وتەبێژی حكومەتی عێراق رایدەگەیەنێت، سەرۆك وەزیرانی عێراق پێشوازی لە دیاریكردنی كاتی هەڵبژاردنی پەرلەمانی كوردستان دەكات و پشتیوانی لە ئەنجامدانی پڕۆسەكەش دەكات.
باسم عەوادی، وتەبێژی حكومەتی عێراق رایگەیاند، محەمەد شیاع سودانی سەرۆك وەزیرانی عێراق پێشوازی لە بڕیاری سەرۆكایەتیی هەرێمی كوردستان بۆ دیاریكردنی رۆژی هەڵبژاردن دەكات و پشتیوانی لە ئەنجامدانی هەڵبژاردنی پەرلەمانی كوردستان دەكات.
وتیشی، “ئەوەی پێویستە حكومەتی عێراق بۆ سەركەوتنی پڕۆسەكە دەیكات و جەخت لە دیالۆگی نیشتمانیی نێوان لایەنەكان دەكاتەوە”.
