بافڵ جەلال تاڵەبانی پێشوازی لە سودانی کرد و كۆبوونەوە

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە محەمەد شیاع سودانی، سەرۆک وەزیرانی عێراق و شاندێكی یاوەری کرد.

لە دیدارێکدا کە بڕیاردەر و ژمارەیەک لە ئەندامانی دەستەی کارگێڕی و مەکتەبی سیاسی ئامادەبوون، گفتوگۆ لەبارەی گۆڕانکارییە سیاسی، ئابوری و ئەمنییەکانی هەرێم و عێراق کرا و جەخت لە پشتیوانیکردنی پڕۆژەی نیشتمانیی عێراق کرایەوە کە خۆی لە پێشکەشکردنی خزمەتگوزاری، چەسپاندنی یاسا و سەقامگیریدا دەبینێتەوە.

لە درێژەی دیدارەکەدا سەرۆک بافڵ جەلال تاڵەبانی سوپاس و پێزانینی ئاراستەی سەرۆک وەزیرانی عێراق کرد لەبەرامبەر تەواوکردنی رێکارە فیدراڵییەکانی بە پارێزگاکردنی هەڵەبجە و داوایکرد، ئەمە سەرەتایەکی گرنگ بێت بۆ خزمەتکردنی هەڵەبجەییەکان و حکومەتی عێراقیش مافە یاسایی و دەستوورییەکان بەرامبەر هەڵەبجە جێبەجێبکات. وتیشی، دەبێت هەنگاوی کرداری بۆ ئاوەدانکردنەوەی پارێزگاکە بنرێت و بارتەقای قوربانیدانەکەی خزمەت بکرێت.

لەبارەی پەسەندکردنی پڕۆژەیاسای بودجەش، سەرۆک بافڵ وتی، هەنگاوێکی گرنگە و پێویستە سەقامگیریی ئابوری و ژیانی هاوڵاتییان پارێزراوبێت.

سەرۆک بافڵ پەرۆشیی یەکێتیی نیشتمانی بۆ سەرخستن و جێبەجێکردنی بەرنامەی حکومەت دووپاتکردەوە بە شێوەیەک کە خزمەتگوزاریی زیاتر پێشکەشی خەڵک بکرێت و وتیشی، جەخت لە چارەسەرکردنی سیاسییانەی کێشەکانی نێوان هەرێم و بەغداد دەکەینەوە بە شێوەیەک کە مافە دەستوورییەکانی گەلی کورد پارێزراوبن. وتیشی، پێویستە بەرژەوەندییە نیشتمانییەکان زاڵبکرێن و هەمووان بە ئاراستەی ئاوەدانی و سەقامگیری هەنگاوبنێن.

هەر لە درێژەی قسەکانیدا سەرۆک بافڵ جەختیشیکردەوە، یەکێتی یەک ئاراستە و یەک بڕیاری هەیە و هەمان سیاسەت و ستراتیژی سەرۆک مام جەلال لە بەرامبەر پرسەکان پەیڕەودەکات، دەشمانەوێت لەگەڵ دۆستەکانمان پێکەوە خزمەتی گەل و وڵات بکەین و باوەڕمان بە شەراکەت و هاوبەشێتیی راستەقینە و گیانی پێکەوەیی هەیە.

هەر لە دیدارەکەدا محەمەد شیاع سودانی، سەرۆک وەزیرانی عێراق وێڕای ئەوەی سوپاسی سەرۆک بافڵ و یەکێتیی کرد لە بەرامبەر رۆڵ و هەڵوێستی سیاسیی ئەرێنییان لە عێراق و سەرخستنی بەرنامەکانی حکومەت، رایگەیاند، ئەو میراتە دەوڵەمەندەی سەرۆک مام جەلال جێیهێشتووە بەرپرسیارێتییەکی مەزن و گرنگە تا هەموولایەک پێوەی پابەندبن. وتیشی، سەقامگیریی سیاسیی عێراق بە سەقامگیریی سیاسیی هەرێمەوە بەستراوە و ئەرکی حکومەتیشە خزمەتی هەمووان بکات و پرۆسەی چاکسازی بەردەوامی هەبێت.

 

بابەتی پێشتر

سودانی سەردانی مەزاری سەرۆك مام جەلالی كرد

بابەتی دواتر

تەندروستیی هەڵەبجە 64 بەرکەوتووی کیمیایی دەنێرێتە دەرەوە

بابەتی پەیوەندیدار
زیاتر ببینە

تەرمێك لە دهۆك دۆزرایەوە

بەرگریی شارستانیی دهۆك دۆزینەوەی تەرمێك رادەگەیەنێت كە پێدەچێت سێیەم قوربانیی لافاوەكەی مانگی ئازاری شارەكە بێت. بێوار عەبدولعەزیز، وتەبێژی…
زیاتر ببینە

دوو راوچی دەستگیرکران

لە سنوورى ئاغجەلەر دوو راوچی دەستگیرکران و دەستگیرا بەسەر چەكێك و ژمارەیەك گولـلەدا. بەڕێوەبەرایەتیی پۆلیسی ژینگە و دارستانی…
Total
0
Share