وتەبێژی بەڕێوەبەرایەتیی كارەبای سلێمانی رایدەگەیەنێت، لەم وەرزەدا بەهۆی زۆربوونی خواست لەسەر كارەبای نیشتمانی، رۆژانە 12 بۆ 13 كاتژمێر كارەبای نیشتمانی بە هاوڵاتییان دەدرێت.
سیروان محەمەد وتەبێژی بەڕێوەبەرایەتیی كارەبای سلێمانی لە لێدوانێكدا بە تۆڕی میدیایی ئێستای راگەیاند، ساڵانە لە مانگی حوزەیرانەوە خواست لەسەر كارەبای نیشتمانی زیاددەكات و لە ئێستادا رۆژانە 12 بۆ 13 كاتژمێر كارەبای نیشتمانی بە هاوڵاتییان دەدرێت.
لەبارەی سیستمی سۆلارەوە، وتەبێژی كارەبای سلێمانی وتیشی، “لە ئێستادا خواست لەسەر بەشێك لە هاوڵاتییان و كاسبكاران زیادیكردووە و رۆژانە بەردەوام سەردانی بەڕێوەبەرایەتیی كارەبای سلێمانی دەكەن و مامەڵەیان بۆ دەكرێت”.
