ئێوارەی ئەمڕۆ هێرشکرایە سەر کێڵگەی غازی کۆرمۆر جگە لە زیانی ماددی هیچ زیانێکی گیانی بەدواوە نەبووە.
رەمک رەمەزان قائیمقامی چەمچەماڵ بە تۆڕی میدیایی ئێستای راگەیاند، لە دەوروبەری کاتژمێر 6:30 خولەکی ئێوارە ئاگادارکراینەوە هێرشکراوەتە سەر کێڵگەی غازی کۆرمۆر، لە ئێستادا تیمەکان لە ئاسایش و لایەنە پەیوەندیدارەکان گەیشتوونەتە شوێنی رووداوەکە بۆ لێکۆڵینەوە لە چۆنێتی رووداوەکە.
ئاماژەی بەوەشکرد، هێرشەکە زیانی گیانی نەبووە، تەنها زیانی ماددی هەبووە، دوو عەمماری نەفتا لە کێڵگە کۆنەکە کراونەتە ئامانج کە هیچ سووتەمەنییەکیان تێدا نەبووە، بۆیە لە ئەنجامی هێرشەکەدا ئاگر نەکەوتووەتەوە.
