کۆشکی باکینگهام لە راگەیەندراوێکدا ئاماژەی بەوەدا، شازادە ئان، خوشکی شا چارڵزی سێیەم، لە نەخۆشخانە خەوێندراوە، دوای ئەوەی لە رووداوێکدا لە ماڵەکەیدا سەری بریندار بووە و زەبر بەر مێشکی کەوتووە.
سەرچاوەیەک لە خێزانی شاهانە بە سی ئێن ئێنی وتووە، شازادە ئانی تەمەن 73 ساڵ، لە نزیک ئەسپەکان لە پارکی گاتکۆمب، لە شاری گلۆستێرشایری رۆژئاوای ئینگلتەرا، بە پێ دەڕۆیشت، کاتێک تووشی برینێکی سووک بوو لە سەریدا.
لە کاتێکدا هۆکاری وردی بریندارییەکە پشتڕاست نەکراوەتەوە، تیمی پزیشکی شازادە ئان دەڵێن برینەکانی سەری لەگەڵ کاریگەرییە ئەگەرییەکانی بەرکەوتنی سەر یان قاچەکانی ئەسپدا یەکدەگرێتەوە.
ئان خوشکی بچووکی شا چارڵزە، و دووەم منداڵە لە چوار منداڵی شاژنە ئەلیزابێسی دووەم، لە دوای ئەویش شازادە ئەندرۆ و ئێدوارد دێن.
