بەیاننامەی هاوبەشی ئەمریکا، فەڕەنسا، بەریتانیا و ئەڵمانیا لەبارەی رۆژئاڤا

ویلایەتە یەکگرتووەکانی ئەمریکا، بەریتانیا، فەرەنسا و ئەڵمانیا بەیاننامەیەکی هاوبەشیان لەبارەی دۆخی رۆژئاڤا بڵاوکردەوە.

لە بەیاننامەکەی ئەو وڵاتانەدا هاتووە، پێشوازیی لە درێژکردنەوەی رێککەوتنی ئاگربەستی 15 رۆژیی نێوان سوپای سوریا و هێزەکانی سوریای دیموکرات دەکەن. هاوکات جەخت لەسەر گرنگیی پابەندبوون بە پاراستنی هەموو پێکهاتەکانی سوریا دەکاتەوە.

هاوکات داواش لە لایەنەکان دەکات پابەندبن بە ئاگربەستەوە و هەنگاو بەرەو ئاگربەستی هەمیشەیی بنێن و بگەڕێنەوە سەر مێزی گفتوگۆ.

لە کۆتایی بەیاننامەکەدا ئەوەش هاتووە، “جەخت لەسەر پێویستیی کردنەوەی رێڕەوی مرۆیی و دەستپێکردنەوەی خزمەتگوزارییە پێویستەکان لە کۆبانی دەکەینەوە.”