نوێنەری حكومەتی هەرێم لە ئیتاڵیا رایدەگەیەنێت، زۆربەی كۆچبەرە رزگاربووەكان لە كەناراوەكانی ئیتاڵیا كوردن و تائێستا چارەنووسی بەشێكی زۆر لە كۆچبەرانیش چارەنووسیان نادیارە.
رێزان حەمەساڵح نوێنەری حكومەتی هەرێم لە ئیتاڵیا لە لێدوانێكدا رایگەیاند، بەپێی زانیارییەكان 67 كۆچبەر لە نێو بەلەمەكە بوون و 11یان رزگاركراون و لە سێ نەخۆشخانەی ئیتاڵیا چارەسەر وەردەگرن.
وتیشی، ” زۆربەی كۆچبەرە رزگاربووەكان لە كەناراوەكانی ئیتاڵیا كوردن و لەلایەن هێزە ئەمنییەكانی ئیتاڵیاوە لێكۆڵینەوە لە رووداوەكە دەستیپێكردووە”.
