بەڕێوەبەرایەتیی حەج و عومرەی هەرێم بڵاویکردەوە، دووشەممەی داهاتوو یەکەم کاروانی حاجیانی هەرێم لە رێگای فڕۆکەخانەکانی سلێمانی و هەولێرەوە دەگەنەوە هەرێم.
بەڕێوەبەرایەتیی حەج و عومرە لە راگەیەندراوێکدا بڵاویکردەوە، یەکەم کاروانی حاجیانی کوردستان بە رێگای وشکانی رۆژی شەممە لە شاری مەککەی پیرۆزەوە بەرێدەکەون ، یەکەم کاروانی حاجیانی کوردستانیش بەرێگای ئاسمانی رۆژی دووشەممە لە رێگای هەردوو فڕۆکەخانەی نێودەوڵەتیی هەولێر و سلێمانی دەگەنەوە هەرێمی کوردستان.
ئاماژەی بەوەشکرد، دوایین کاروانی حاجیانی کوردستان لە رۆژی 30 حوزەیران لە رێگای هەردوو فڕۆکەخانەی نێودەوڵەتیی هەولێر و سلێمانی دەگەنەوە هەرێمی کوردستان و کۆتایی بە پرۆسەی حەجی ئەمساڵ دێت.
داوایشیکرد، کەسوکاری حاجیان بە هیچ شێوەیەک سەردانی فڕۆکەخانەکان نەکەن بە مەبەستی پێشوازیکردن لە حاجیان، چونکە پاسی تایبەت بۆ گواستنەوەیان ئامادەکراوە و بۆ ئەوەی قەرەباڵغی لە فڕۆکەخانەکان دروستنەبێت.
