وەزیری ئاوەدانکردنەوە و نیشتەجێکردن رایدەگەیەنێت، “ئەرکی هەمووانە پابەندی رێککەوتنەکان بن و ئاستەنگ بۆ مووچە دروستنەکەن”.
دانا عەبدولکەریم، وەزیری ئاوەدانکردنەوە و نیشتەجێکردنی حکومەتی هەرێم رایگەیاند، زیاتر لە 10 ساڵە هەرێمی کوردستان لە قەیرانی ئابوریدایە، ئێستا کە زنجیرەیەک رێککەوتن لەنێوان حکومەتی هەرێم و عێراقدا هەیە، ئەرکی هەمووانە پابەندی رێککەوتنەکان بن و ئاستەنگ لە ژێر هیچ پاساوێکدا بۆ مووچە دروستنەکەن.
دەشڵێت، “پێویستە هەرێم پشکی خۆی بە تەواوی لە بودجەدا وەربگرێت، تاوەکو بتوانرێت خزمەتگوزارییەکان بەشێوەیەکی فراوانتر ئەنجامبدرێن”.
