کۆمسیۆنی باڵای سەربەخۆی هەڵبژاردنەکان وادەی تۆمارکردنی ناوی لیست و کاندید و قەوارە سیاسییەکانی بۆ هەڵبژاردنی پەرلەمانی کوردستانی بۆ دوای جەژنی قوربان درێژکردەوە.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکان لە عێراق رایگەیاند، ئەنجومەنی كۆمسیاران وادەی تۆمارکردنی ناوی لیست و کاندید و قەوارە سیاسییەکانی بۆ هەڵبژاردنی پەرلەمانی کوردستان بۆ کۆتایی دەوامی 24ی حوزەیران درێژکردەوە.
بەپێی بڕیارەکەی کۆمسیۆن لە رۆژانی جەژنی قورباندا تۆمارکردنی ناوی لیست و کاندید و قەوارەکان بەردەوام دەبێت.
لە 8ی ئەم مانگەوە دەرگای تۆماکردنی ناوی لیست و کاندید و قەوارە بەشداربووەکانی هەڵبژاردنی داهاتووی پەرلەمانی کوردستان دەستیپێکردووە.
