ئەندامێكی لیژنەی دارایی لە خولی پێشووی ئەنجومەنی نوێنەرانی عێراق رایدەگەیەنێت، ئەو پارەیەی لە خشتەی بودجەدا دانراوە بەشی مووچەی مووچەخۆرانی هەرێم دەكات بەو مەرجەی هەرێمی كوردستان پابەندی ناردنی داتا و زانیارییەكان بێت بۆ بەغداد.
ئەحمەد حاجی رەشید ئەندامی لیژنەی دارایی لە خولی پێشووی ئەنجومەنی نوێنەرانی عێراق لە دیدارێكی تەلەفزیۆنیدا رایگەیاند، بەپێی بڕیاری دادگای فیدراڵیی عێراق ناردنی مووچەی مووچەخۆرانی هەرێم بەردەوامدەبێت و هەرێمی كوردستانیش دەبێت پابەندبێت بە ناردنی داتا و زانیاری و “میزانی مراجعە” بۆ حكومەتی عێراق.
ئەحمەد حاجی رەشید جەختیكردەوە و وتیشی، “ئەو پارەیەی لە خشتەی بودجەدا دانراوە بەشی مووچەی مووچەخۆرانی هەرێمی كوردستان دەكات”.
