بەڕێوەبەرایەتیی هاتوچۆی گشتیی عێراق پڕۆژەی گۆڕینی تابلۆی ژمارەی ئۆتۆمبێلەکانی راگەیاند و وتەبێژی وەزارەتی ناوخۆش دەڵێت، ”لە قۆناغی یەکەمدا ئۆتۆمبێلە نوێکان دەگرێتەوە”.
میقداد میری وتەبێژی وەزارەتی ناوخۆی عێراق و شانەی راگەیاندنی ئەمنی لەوبارەیەوە ئەوەی خستەڕوو، ”قۆناغی یەکەم ئەو ئۆتۆمبێلانە دەگرێتەوە کە بۆ یەکەم جار تۆماردەکرێن و ساڵانەکەیان نوێ دەکەنەوە”.
دەشڵێت، ”وەزارەتەکەمان چاوەڕێی بەرهەمهێنانی زیاتری تابلۆکان دەکات بەمەبەستی فراوانکردنی کارەکان و ئەنجامدانی زۆرترین مامەڵە بۆ هاوڵاتییان، هاوکات دروستکردنی تابلۆکان کاتێکی زۆری بۆ گەڕاندوینەتەوە چونکە لە ناوخۆی عێراقدا دروستدەکرێت”.
