یەکەمین بەیاننامەی رەسمی وەزارەتی دەرەوەی عێراق لەبارەی گرژییەکانی سوریا بڵاوکرایەوە و داوادەکەن هاوڵاتیانی مەدەنی پارێزراوبن.
وەزارەتی دەرەوەی عێراق بەیاننامەیەکی رەسمی دەربارەی گرژی و ئاڵۆزییەکانی سوریا بڵاوکردەوە و رایگەیاند، پەنابردن بۆ بەکارهێنانی توندوتیژی کێشەکان چارەسەر ناکات و بەڵکو گەورەتریان دەکات.
ئەوەشیان خستووەتەڕوو، پێویستە بە هەموو جۆریک هاوڵاتیانی مەدەنی پارێزراوبن و دووربن لە هەموو جۆرە ململانێیەک و ئیدانەی ئازاردانیان دەکەین.
ئاماژەیان بەوەشداوە، بەردەوامیدان بە توندوتیژی و ئاڵۆزییەکان، دەبنە هۆی رێگریکردن لە هەوڵەکان بۆ گەڕانەوەی ئارامی و ئاسایش بۆ وڵاتەکە.
