قائیمقامیەتی سلێمانی رایدەگەیەنێت، بەمەبەستی رێگریكردن لە مەترسییەكانی كەوتنەوەی ئاگر، لیژنە هاوبەشەكانی قائیمقامیەتی سلێمانی هەڵمەتێكیان بۆ چیای گۆیژە و ئەزمڕ ئەنجامدا.
گۆران قادر، سەرۆكی لیژنەكانی قائیمقامیەتی سلێمانی رایگەیاندن بۆ دوورخستنەوەی مەترسییەكانی كەوتنەوەی ئاگر لە چیاكانی ئەزمڕ و گۆیژە بە فەرمانی قائیمقامی لیژنەكان بە هاوكاریی لیوای یەكی پاراستنی سلێمانی و بەڕێوەبەرایەتیی هاتوچۆ و بەشی زیادەرۆیی لە شارەوانی و دارستان و پاوان، هەڵمەتێكیان ئەنجامدا.
ئاماژەی بۆ ئەوەشكرد، لەهەڵمەتەكەدا، سەرجەم كۆشك و كەپر و دەستگێڕەكان ئاگاداركرانەوە كە ئاگركردنەوە قەدەغەیە و هەركەسێك سەرپێچی بكات رووبەڕووی سزا یاساییەكان دەكرێتەوە.
قائیمقامیەتی سلێمانی دەشڵێت، “بۆ گەیاندنی سكاڵا و زانیاری بە قائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
