بەپێی پێشبینییەکانی کەشناسی، ئەمڕۆ و سبەینێ لە ناوچەکانی هەرێمی کوردستان خۆڵبارین دەبێت.
بەڕێوەبەرایەتیى گشتیى کەشناسی و بومەلەرزەزانیى هەرێم لە راگەیەندراوێکدا بڵاویکردەوە، ئەمڕۆ پێنجشەممە، ئاسمان لە نێوان ساماڵ و پەڵە هەور دەبێت لەگەڵ زیادبوونی خێرایی با و بەرزبوونەوەی تۆزوخۆلێکی سووک، پلەی گەرمی بە (1-2 )پلە بەراورد بە تۆمارکراوەکانى دوێنێ، بەرزدەبێتەوە.
لەبارەی کەشوهەوای سبەینێوە بەڕێوەبەرایەتییەکە دەڵێت، سبەی هەینی ئاسمان لە نێوان ساماڵ و پەڵەهەور دەبێت لەگەڵ زیادبوونی خێرایی با، و بەرزبوونەوەی تۆزوخۆلێکی سووک، بەڵام لە سنووری پارێزگای کەرکوک و باشوورى پارێزگای هەولێر ئەگەرى بەرزبوونەوەى تۆزوخۆڵ زیاتر دەبێت.
بەرزترین پلەی گەرمیی پێشبینیکراو بە پلەی سیلیزی:
هەولێر : 37
سلێمانى: 37
دهۆک : 38
زاخۆ : 39
هەڵەبجە : 40
کەرکوک: 39
سۆران : 36
حاجی ئۆمەران: 26
گەرمیان : 41
