وەزیری ئاوەدانکردنەوەی هەرێم رایگەیاند، “هەرێم رەزامەندی دەربڕیوە سەرجەم داهاتە ناوخۆییەکان رادەستی بەغداد بکات”.
دانا عەبدولکەریم، وەزیری ئاوەدانکردنەوە و نیشتەجێکردنی هەرێم رایگەیاند، حکومەتی فیدراڵی داوای داهاتە ناوخۆییەکان دەکات، ئەنجومەنی وەزیرانی هەرێمیش رەزامەندە لەسەر ئەوەی هەموو داهاتە ناوخۆییەکان بەپێی دەستور و رێککەوتنەکان، بدرێن بە بەغداد.
ئاماژەی بەوەش کرد، لەبەرامبەر ئەوەدا بەغداد بودجەی پەرەپێدان و بەگەڕخستن بۆ حکومەتی هەرێم بنێردرێت.
ئەو وتانەی وەزیری ئاوەدانکردنەوە لەمیانەی بەشداریکردنی لە دانانی بەردی بناغەی پرۆژەی رێگای (دوانزە ئیمام-قەرەبڵاخ) دابوو لە گەرمیان.
پرۆژەکە بە گوژمەی شەش ملیار و 300 ملیۆن دینار جێبەجێدەکرێت و بڕیارە لە ماوەی 400 رۆژدا تەواوبکرێت.
