ئاراس جەبار شارەزای كەشناسی رایگەیاند، لە ئەنجامی كاریگەریی نزمەپاڵەپەستۆی باكووری دەریای سوور سبەی یەكشەممە لە كاتەكانی بەیانییەوە بۆ ئێوارە شەپۆلێكی بەفربارین چەند ناوچەیەك لە عێراق دەگرێتەوە و ئاسمانی هەرێمی كوردستانیش بە زۆری دەگۆڕدرێت بۆ نیمچەهەور و لە كاتەكانی شەودا بۆ درەنگانی شەو شەپۆلەكە بە شێوەیەكی مامناوەند درێژدەبێتەوە بۆ ناوچەكانی سنووری پارێزگاكانی سلێمانی، كەركوك، هەڵەبجە و ناوچەكانی باكووری گەرمیان و ئەگەری بارانی مامناوەند بەرێژەی جیاواز دەبێت.
دەشڵێت، “هەروەها پێشبینی بارینی بەفر لە شاری سلێمانی بە تایبەت بەرزاییەكانی ناوچەكە و كاریگەریی ئەم شەپۆلە بەرەبەیانی دوو سبەی دووشەممە كۆتایی دێت”.
وتیشی، “پێشتر باسمان كرد لە كۆتایی ئەم هەفتەیەوە شەپۆلێكی بەهێزی سەرما و بەفر و باران لە جەمسەری باكوورەوە وڵاتانی رۆژهەڵاتی ناوەڕاست و هەرێمی كوردستان دەگرێتەوە بۆ ماوەیەكی زۆر كاریگەرییەكانی دەمێنێتەوە”.
