قوباد تاڵەبانی، جێگری سەرۆك وەزیران لەگەڵ فرانك ریڤۆڵتۆ، نوێنەری نەتەوەیەكگرتووەكان لە هەرێم كۆبووەوە و پێكەوە دوایین پێشهاتە سیاسییەكانی عێراق و كوردستان و پرسی هەڵبژاردن و چەند بابەتێكی دیكەی جێی بایەخی هەردوولایان تاوتوێكرد.
لە سەرەتای كۆبوونەوەكەدا كە رۆژی سێشەممە بەڕێوەچوو، جێگری سەرۆك وەزیران رۆڵی یۆنامی و بە تایبەت جێنین پلاسخارت نوێنەری تایبەتی پێشووی سكرتێری گشتیی نەتەوەیەكگرتووەكانی بەرزنرخاند لە چارەسەركردنی كێشە سیاسییەكانی عێراق و كوردستان.
سەبارەت بە پەیوەندییەكانی نێوان هەرێم و بەغداش، قوباد تاڵەبانی روونیكردەوە كە لەم قۆناغەدا لێكتێگەیشتنی باش هەیە بۆ چارەسەركردنی كێشەكان و وتیشی، “راستە كێشەی كەڵەكەبووی زۆر هەیە لە نێوان هەردوولادا، بەڵام دەكرێت بە نیشاندانی نیازپاكیی و كاری هاوبەش هەنگاو بە هەنگاو كێشەكان چارەسەربكەین، چونكە بەبێ چارەسەركردنی كێشەكان و بەبێ ستراتیژ و كاری هاوبەش ناتوانرێت بیر لە گەشەپێدانی عێراق و كوردستان و دابینكردنی ژیانی شایستە بۆ هاوڵاتییان بكەینەوە.
پرسی هەڵبژاردنی پەرلەمانی كوردستان تەوەرێكی دیكەی كۆبوونەكەوە بوو و باس لە دوایین گۆڕانكارییەكانی تایبەت بە هەڵبژاردن كرا.
