بەرپرسی ئۆفیسی هەولێری کۆمسیۆنی باڵای هەڵبژاردنەکان رایگەیاند، رێوشوێنە ئیدارییەکانی هەڵبژاردنی پەرلەمانی کوردستان بەردەوامن.
مەروان محەمەد بەرپرسی ئۆفیسی هەولێری کۆمسیۆنی باڵای هەڵبژاردنەکان لە کۆنگرەیەکی رۆژنامەوانیدا رایگەیاند، کارە هونەری و داراییەکانی کۆمسیۆنی باڵای هەڵبژاردنەکان ئەوەی پەیوەندی بە بانگەشەی هەڵبژاردن و ئامادەکارییەکانی دیکەی کۆمسیۆنەوە هەیە راگیراون، تا ئەو دۆسیەیەی لە دادگایە یەکلایی دەکرێتەوە.
ئاماژەی بەوەشکرد، کارە ئیدارییەکان وەک نوێکردنەوەی کارتی بایۆمەتری و نوێکردنەوەی پەنجەمۆر لە 13 ی مانگەوە بڕیاردراوە دەستپێبکاتەوە و بەردەوامیی دەبێت.
