وەزارەتی سامانە سروشتییەکانی هەرێم رایگەیاند، هەناردەکردنەوەی نەوتی هەرێمی کوردستان لەڕێگەی بەندەری جەیهانی تورکیاوە دەستیپێکردەوە و سەرکەوتووبوو.
وەزارەتی سامانە سروشتییەکانی هەرێمی کوردستان لە راگەیەندراوێکدا بڵاویکردەوە، کاتژمێر 7:00ی سەرلەبەیانیی رۆژی شەممە 26ی ئەیلولی 2025، هەناردەکردنەوەی نەوتی هەرێمی کوردستان لەڕێگەی بۆری نەوتی کەرکوک-جەیهان، بەشێوەیەکی سەرکەوتووانە دەستیپێکرد.
ئەمەش پاش ئەوەدێت، هەناردەی نەوتی هەرێمی کوردستان پاش 30 مانگ لە راگیرانی، بەهۆی رێککەوتنی سێقۆڵی حکومەتی هەرێمی کوردستان، حکومەتی عێراق و کۆمپانیا نەوتییەکان، دووبارە دەستیپێکردەوە و هەناردەی بازاڕەکانی جیهان کرایەوە.
