دوو حاڵەتی تای خوێنبەربوون لە شاری کەرکوک تۆمارکران.
سامان یابە عەلی، وتەبێژی تەندروستیی کەرکوک بە تۆڕی میدیایی ئێستای راگەیاند، دوو حاڵەتی تای خوێنبەربوون تۆمارکران، هەردوو تووشبووەکە دانیشتووی قەزای حەویجە-ن.
ئاماژەی بەوەش کرد، دوو تووشبووەکە ئێستا لە نەخۆشخانەی گشتیی کەرکوک چارەسەر وەردەگرن، دۆخی تەندروستییان جێگیرە.
تای خوێنبەربوون، نەخۆشییەکی ڤایرۆسییە، نیشانەکانی بریتین لە (تا ، ئازاری ماسولکە، ژانەسەر، رشانەوە، سکچوون و خوێنبەربوونی ژێر پێست، شینبوونەوەی پێست).
