بڕیارە بەمنزیكانە گەشتیی ئاسمانیی راستەوخۆی نێوان هەردوو پایتەختی هەرێمی كوردستان و هیندستان دەستپێبكات.
یەكێتیی هاوردە و ناردنكارانی هەرێمی كوردستان رایگەیاند، بەمنزیكانە گەشتی ئاسمانیی راستەوخۆی نێوان هەولێری پایتەختی هەرێم و شاری نیودەلهیی پایتەختی هیندستان دەستپێدەكات.
دەشڵێت، یاداشتنامەی لێکتێگەیشتن لەنێوان هێڵی ئاسمانی فلای ئەربیل و کۆمپانیایەکی گەورەی گەشتیاریی وڵاتی هیندستان واژۆکرا.
ئەو یاداشتە لە پەراوێزی پێشانگای بازاڕی گەشتیاريی عەرەبی (ATM)دا بوو كە لە دوبەی بە بەشداری 2300 کۆمپانیا و دامەزراوەی گەشتیاری 165 وڵات بەڕێوەچوو، وەك ئەوەی یەكێتیی هاوردە و ناردنكاران ئاماژەی پێداوە.
