کەشناسیی هەرێم بڵاویکردەوە، ئەمڕۆ ئاسمان ساماڵ و پەڵەهەور دەبێت و سبەی سێشەممەش کەشوهەوا هەر بەو جۆرە دەمێنێتەوە و ئەمڕۆ لە نیوەڕۆدا ئەگەری کەمێک بارانبارین هەیە.
ئەمڕۆ دووشەممە، بەڕێوەبەرایەتیی گشتیی کەشناسیی هەرێم بڵاویکردەوە، لە بەشێک لە سنووری سلێمانی و ئیدارەی راپەڕین ئەگەری بارانبارین و هەورەتریشقە دەبێت لەکاتەکانی نیوەڕۆدا و پلەی گەرمی بەرزدەبێتەوە.
سبەى سێشەممە، ئاسمان ساماڵ و پەڵەهەور دەبێت و ناوچە شاخاوییەکان نیمچە هەور دەبێت و پلەکانی گەرمی بەرزدەبێتەوە بەراورد بە تۆمارکراوەکانی ئەمرۆ .
