نرخی نەوت لە بازاڕەکانی جیهاندا دابەزی و بەرمیلێک نەوتی خاوی برێنت بە 86 دۆلار و 63 سەنتە.
بەپێی ئاژانسی هەواڵی رۆیتەرز، ئەمڕۆ نرخی نەوتی خاوی برێنت 48 سەنت دابەزی و گەیشتە 86 دۆلار و 63 سەنت بۆ هەر بەرمیلێک.
هەروەها نەوتی خاوی رۆژئاوای تەکساسی ئەمریکا 38 سەنت دابەزیوە، هەر بەرمیلێک بە 82 دۆلار و 35 سەنتە.
لە رۆژی دووشەممەوە نرخەکانی نەوت بە رێژەی زیاتر لە 4% دابەزیون و بەرەو گەورەترین زیانی هەفتانە دەڕۆن لە سەرەتای مانگی شوباتەوە تاوەکو ئێستا.
