ئەمڕۆ بۆ جاری دووەم لەماوەی کەمتر لە مانگێکدا ئاگر لە بازاری لەنگەی هەولێر کەوتەوە، کاسبکاران و دووکاندارانی بازاڕی لەنگە دەڵێن، “گومانمان هەیە لە سووتانی بازاڕەکە.”
کاسبکاران باس لەوەدەکەن، زیانەکان زۆرن و بە سەدان دووکان سووتاون و بە دیاریکراوی نازاندرێت زیانەکان چەندن، بەهۆی بەردەوامی ئاگرەکەوە.
ئاماژەیان بەوەشکردووە، بەشێوەیەکی بەردەوام ئۆتۆمبێلێکی ئاگرکوژێنەرەوە لەبەردەم بازاڕی لەنگە هەبووە، بەڵام شەوی رابردوو ئەو ئۆتۆمبێلە لەوێ نەبووە و جێگەی پرسیارە بۆیان.
ئاگرەکەی بەیانی ئەمڕۆ دووشەممە لە دوای کاتژمێر 7:30 خولەکەوە دەستی پێکردووە و بەردەوامی هەیە و لە ئێستادا تیمەکانی ئاگرکوژێنەرەوە لە هەوڵی کۆنترۆڵکردنی ئاگرەکەدان.
