وەزارەتی دارایی حکومەتی هەرێمی کوردستان لیستی مووچەی مانگی ئازاری بڵاوکردەوە و بە سێ رۆژ مووچەی سەرجەم وەزارەتەکان دابەش دەکرێت.
وەزارەتی دارایی دەڵێت، “رۆژی شەممە 6ی4ی2024 دەست بەدابەشکردنی مووچە دەکرێت و تا پێش جەژنی رەمەزان مووچەی سەرجەم مووچەخۆران دابەش دەکرێت.”
ئاماژە بەوە دەکات، ئەم خشتەیە بەپێی کاتی هاتنی تەمویلی وەزارەتی دارایی عێراق دانراوە، لەکاتی دروستبوونی هەر گۆڕانکارییەک لە هاتنی تەمویلەکە گۆڕانکاری لە خشتەکەشدا دەکرێت.
