بەڕێوەبەرایەتیی پۆلیسی گەرمیان رایدەگەیەنێت، دوای ئەوەی لەلایەن مامۆستایانی خوێندنگەیەكەوە لە كەلار سكاڵا لەدژی كەسێك تۆماركرا كە رۆژانە بەماتۆرسكیل مامۆستایانی خوێندنگەكەی بێزاركردبوو و تەنانەت چەندینجار پەلاماری مامۆستایانی دابوو.
لە راگەیەندراوەكەی پۆلیسی گەرمیاندا هاتووە، بنكەی پۆلیسی كەلار بە هاوكاریی تیمی كامێراوانی بەشی پۆلیسی كەلار دوای وەرگرتنی زانیاری لە رێگای كامێرای چاودێرییەوە توانیان تۆمەتبار بناسنەوە و دەستگیریبكەن.
ئاماژە بۆ ئەوەش كراوە، لە ئێستادا تۆمەتبارەكە دانیناوە بە تاوانەكەدا و بە بڕیاری دادوەر و بەپێی مادەكانی (495) و (413) بەندكراوە و لێكۆڵینەوە لەگەڵیدا بەردەوامە.
