لیوبۆڤ درۆزدۆڤا، پزیشکی پسپۆڕی دەروونی دەڵێت، “کاتێک مرۆڤ بەردەوام لە سترێس و دڵەڕاوکێدا دەبێت، وردە وردە هێزی کەمدەبێتەوە و بەرگریی جەستەی لاواز دەبێت و تووشی نەخۆشی جۆراوجۆر دەبێت.
بە گوێرەی وتەی پسپۆڕەکە، گرنگە بە شێوەیەکی ئەرێنی مرۆڤ تەماشای جیهان و شتەکانی دەوروبەری بکات، لەبری لایەنە نەرێنیەکان لایەنە ئەرێنییەکان لە هەموو شتێکدا ببینیت و بەدوای دەرفەتەکانی گەشەکردن و خۆشگوزەرانیدا بگەڕێیت.
هاوکات، چەند پێشنیاز و رێگە چارەیەکی بۆ زاڵبوون بەسەر فشاری دەروونیدا خستووەتەڕوو کە بەم جۆرەن:
دەستەواژەییەک هەیە زۆر گرنگە “هەموو شتێک باش دەبێت” ئەو دەستەواژەیە دووبارە بکەرەوە “بە دڵنیاییەوە شتەکان باش دەبن.”
قەدرزانینت بۆ خۆت هەبێت و ستایشی خۆت بکە بۆ هەر سەرکەوتنێک، گەورە بێت یان بچووک.
بەو جۆرە لە ژیان مەڕوانە کە لە ململانێدایت لەگەڵ چواردەورتدا و هەوڵی فێربوونی بەردەوام بدە و کراوەبە بە رووی بیرۆکەی نوێدا.
فێری سوپاسگوزاری ببە و قەدری ئەو شتانە بزانە کە خەڵکی بۆت ئەنجام دەدەن و ئەو شتانە کە تۆ خاوەنیانیت و قەدری ئەو ساتەش بزانە کە تێیدا دەژیت.
ئەو پرسیارە لە خۆت مەکە “بۆچی ئەمە بەسەر مندا هات؟، لە جێگەی ئەوە لە بارودۆخە سەختەکاندا بیر لەوە بکەرەوە دەتوانیت چی بگۆڕیت.
