لێپرسراوی مەكتەبی سكرتاریەتی سەرۆك مام جەلال پەیامێكی پیرۆزبایی ئاڕاستەی محەمەد حاجی مەحمود دەكات بەبۆنەی بەڕێوەچوونی كۆنگرە و هەڵبژاردنەوەیان بە سەرۆكی پارتی سۆسیال دیموكراتی كوردستان.
دەقی پەیامەكە:
بەڕێز كاك محەممەد حاجی مەحمود سەرۆكی پارتی سۆسیال دیموكراتی كوردستان
بەبۆنەی بە سەركەوتوویی بەڕێوەچوونی كۆنگرە و هەڵبژاردنەوەتان بە سەرۆكی پارتی سۆسیال دیموكراتی كوردستان، بە گەرمی پیرۆزبایی لە بەڕێزتان و سەركردایەتی و سەرجەم ئەندام و لایەنگرانتان دەكەم و هیوای سەركەوتن و پێشكەوتنتان بۆ دەخوازم.
هیوادارم بەستنی كۆنگرەی ئەم حزبە تێكۆشەرە بە سوود وەرگرتن لە ئەزموون و توانا و لێهاتوویی كادرە دڵسۆزەكانی، هاندەری نوێبوونەوە و بەهێزتركردنی ریزەكانی بێت و زامنی هێنانەكایەی ئاشتی و ئارامی بێت.
دڵنیاین پارتی سۆسیال دیموكراتی كوردستان بە سەرۆكایەتیی جەنابتان و بەپشتبەستن بە رۆحییەتی نیشتمانی، هەوڵەكانی یەكدەخات لەپێناو ئامادەسازی بۆ قۆناغەكانی ئاییندەی خەبات و تێكۆشانی سیاسی.
