لیژنه‌ی دیاریكردنی نرخی مۆلیدە ئه‌هلییه‌كان لە شاری سلێمانی کۆبوونەوە و به‌پێی نرخی سوته‌مه‌نی و کاتی کارپێکردنی مۆلیدەکان نرخی هەر ئەمپێرێک کارەبای مۆلیدەیان لە نێوان 13 هەزار بۆ 14 هەزار دینار دیاریکرد.
لیژنەکە ئاماژەی بەوەکردووە، نرخی هەر کاتژمێرێک بۆ یەک ئەمپێر 40 دینار دیاریکراوە و بەو پێیەی مۆلیدەکان لەنێوان 320 بۆ 350 کاتژمێر کاریان کردووە ئەو نرخە دیاریکراوە و به‌هۆی جیاوازی كارکردنیان، نرخی ئه‌مپێرێك كاره‌بای مۆلیدەی گه‌ڕه‌كێك بۆ گه‌ڕه‌كێكی دیكه جیاواز ده‌بێت.
باس لەوەشکراوە، هەندێک شوێن کە بەرنامەى کارکردنى مۆلیدەکانیان لە (7)ى بەیانى بۆ (1)ى شەوە، نرخى ئەمپێریان (15.500 بۆ 17.000) دینارە، ئەو مۆلیدانەش کە کارکردنیان 24 کاتژمێرییە نرخى ئەمپێریان (19:500) دینارە.
