وتەبێژی وەزارەتی ئەوقافی هەرێم رایدەگەیەنێت، بۆ دیاریكردنی یەكەم رۆژی جەژنی رەمەزان لیژنەی باڵای بینینی مانگ كۆدەبێتەوە و بڕیار لە دیاریكردنی یەكەم رۆژی جەژن دەدات.
نەبەز ئیسماعیل، وتەبێژی وەزارەتی ئەوقافی هەرێم لە لێدوانێكدا بە تۆڕی میدیایی ئێستای راگەیاند، بۆ دیاریكردنی یەكەم رۆژی جەژنی رەمەزان لیژنەی باڵای بینینی مانگ ئێوارەی 29 رەمەزان كۆدەبێتەوە و بڕیار لەسەر دیاریكردنی یەكەم رۆژی جەژن دەدات.
راشیگەیاند، وەزارەتی ئەوقاف پشت بە بەڵگەی شەرعی دەبەستێت كە بینینی مانگە نەك پێشبینی بنكەی گەردووناسی و ئەو پێشبینییانەی بڵاودەكرێنەوە.
