وتەبێژی حكومەتی عێراق رایدەگەیەنێت، ئەنجومەنی وەزیران لە ماوەی دوو هەفتەدا خشتەی بودجە پەسەنددەكات و دەشڵێت، “مووچەی فەرمانبەران بە شێوەیەكی تەواو زامنكراوە و 69 ترلیۆن دینار لە بودجەی گشتی بۆ مووچە دانراوە”.
باسم عەوادی وتەبێژی حكومەتی عێراق رایگەیاند، چاوەڕواندەكرێت سبەی یەكشەممە، وەزیری دارایی عێراق دەستبكات بە پارەداركردنی پارێزگاكان و لە هەمانكاتدا 69 ترلیۆن دینار لە بودجەی گشتی بۆ مووچەی مووچەخۆران دانراوە و مووچە بە شێوەیەكی تەواو زامنكراوە.
وتیشی، “چاوەڕواندەكرێت لەماوەی دوو هەفتەدا ئەنجومەنی وەزیرانی عێراق خشتەی بودجەی ساڵی 2024 پەسەندبكات”.
