بەشی مۆنیتەرینگی سەتەلایتی گەلی كوردستان وەڵامێكی كورت و پوختی ئەو كەس و لایەنانە دەداتەوە و كە تۆمەت دەبەخشنەوە و دەڵێت، “خۆتان بە جنێودان و پەیامی چەواشەكارانەوە ماندوو مەكەن، چونكە لەژێر سایەی لوولەی دەبابەكانی وڵاتێكی دراوسێوە ناتوانن وانەی نیشتمانپەروەری بە گەلی كوردستان بڵێن”.
دەشڵێت، “خۆتان بە جنێودان و پەیامی داشووراو لە بەها و ئاكاری سیاسییەوە ماندوو مەكەن، چونكە لە سایەی ئاڵای وڵاتێكی دراوسێ و لەژێر گورمەگورمی ناپاڵمی فڕۆكە و درۆنەكانی وڵاتێكی دیكەوە ناتوانن قەناعەت بە خەڵكی كوردستان بێنن كە ئێوە نیشتمانپەروەر و لایەنەكانی دیكە خاكفرۆشن و خۆتان بەو خەونە مایەپووچەوە ماندوو مەكەن كە بتوانن بە جنێودان و ناوزڕاندنی لایەنی بەرامبەرەوە پرسە سەرەكییەكان لە بیری جەماوەری كوردستان ببەنەوە كە پرسی مووچەی فەرمانبەران و ئەنجامدانی هەڵبژاردنی پەرلەمانی كوردستانە.
هەر لە وەڵامەکەدا هاتووە، “ئێوە هەڵگری قەڵەمێكی ژەنگاوی و ژەهراوین و شوێنی قەڵەمەكانتان گۆشەیەكی رەش و تاریكی مێژووی گەلەكەمانە نەك نووسین و پۆلێنكردنی مێژووی حزبە تێكۆشەرەكانی كوردستان”.
