ئێوارەی ئەمڕۆ لە سنووری قەزای داقووقی سەر بە پارێزگای کەرکوک تەقینەوەیەک روویدا و بەهۆیەوە دوو مێردمنداڵ برینداربوون.
عامر نووری وتەبێژی پۆلیسی کەرکوک بە تۆڕی میدیایی ئێستای راگەیاند، ئێوارەی ئەمڕۆ لە ناحیەی تازەی سەر بە قەزای داقوق بۆمبێکی کۆنی چێندراو بە دوو مێردمنداڵدا تەقییەوە و برینداربوون.
ئاماژەی بەوەشکرد، دوو مێردمنداڵەکە لەدایکبووی ساڵەکانی 2007 و 2014 ن و شوانکارە بوون، دوای رووداوەکە گەیەندراونەتە نەخۆشخانە، بەڵام برینی یەکێکیان سەختە.
