لەمیانەی بەڕێوەچوونی ئاهەنگەکانی چوارشەممە سوری ئێران 23 کەس کوژران و نزیکەی دوو هەزار کەسیش برینداربوون.
چوارشەممە سور، بۆنەیەکی تایبەتە لە کۆتا شەوی چوارشەممەی ساڵی ئێرانی بەڕێوەدەچێت و چەندین چالاکی جۆراوجۆری تێدا ئەنجامدەدرێت و یاری ئاگرین بەکاردەهێنرێت.
جەعفەر میعادفەر سەرۆکی رێکخراوی فریاگوزاری ئێران رایگەیاند، لەسەرانسەری ئێران 23 کەس گیانیان لەدەستداوە و دوو هەزار و 114 کەسیش برینداربوون، لەو ژمارەیەش هەزار و 616 کەسیان گەیەندراونەتە نەخۆشخانە و برینی 413 کەسیان سەختە.
ئاشکراشیکرد، ژمارەی قوربانییەکانی چوارشەممە سوری ئەمساڵ بەراورد بە ساڵی رابردوو بە رێژەی 24% زیادیانکردووە.
