د. نەرمین مەعروف ئەندامی لیژنەی دارایی ئەنجومەنی نوێنەرانی عێراق رایگەیاند، پەیوەندی کردووە بە وەزارەتی دارایی عێراقەوە و لە ئێستادا لە وردبینیدان و دوای تەواوکردنی وردبینییەکە دەست دەکەن بە خەرجکردنی مووچە.
د.نەرمین مەعروف ئاماژەی بەوەکردووە، وەزارەتی دارایی عێراق پێیان راگەیاندووە، لیستی موچەی هەرێم زۆر بەباشی ئامادەکراوە وەک ئەو خشتەیەی داواکرابوو.
راشیگەیاندووە، دوای تەواوبوونی وردبینی دەستدەکەن بە خەرجکردنی موچە بەڵام هەر توێژە و بەجیا، واتا فەرمانبەران، خانەنشینان، تۆڕی چاودێری کۆمەڵایەتی.
