پۆلیسی سلێمانی دەستگیرکردنی دوو تۆمەتباری لە قەزای سەیدسادق راگەیاند و دەستیشی بەسەر بڕێک دەرمانی بەسەرچوودا گرت.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی زانیاری گەیشتە دەست بەشی پۆلیسی سەیدسادق كە بارێك دەرمان هێنراوەتە سنووری قەزاكە ، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا لەلایەن نوسینگەی نەهێشتنی تاوانی سەیدسادقی سەربەبەشی پۆلیسی سەیدسادق دوو تۆمەتبار دەستگیربكرێن و دەستیشبگیرێت بەسەر ئەو بارە دەرمانەدا كە بەقاچاخ هێنرابووە هەرێمی كوردستان.
ئاشکراشیکرد، لە ئێستادا هەریەك لە تۆمەتباران م،ع،ح لەدایكبووی 1995، س،ج،ع لەدایكبووی 1984 بە بڕیاری دادوەر و بەپێی ماددەی 50 ی دەرمانخانەكان راگیراون و لێكۆڵینەوە لەگەڵیان بەردەوامە.
