لە رۆژی شەهیدی یەکێتی، قوباد تاڵەبانی رایدەگەیەنێت، “ژمارەی شەهیدەکان پێمان دەڵێت یەکێتی حزبی شەهیدانە، نەمریی بۆ شەهیدان و سەربەرزی بۆ خانەوادەکانیان”.
قوباد تاڵەبانی، سەرپەرشتیاری سکرتارییەتی سەرۆک مام جەلال، لە رۆژی شەهیدی یەکێتی بەیاننامەیەکی بڵاوکردەوە و ئاماژە بەوە دەکات، “هەر شاخ و گرد و پێدەشتێکی ئەم کوردستانە، هەر گوند و گەڕەک و کۆڵانێکی ئەم وڵاتە، بە خوێنی پیرۆزی شەهیدێکمان نەخشێندراوە”.
جەخت لەوەش دەکاتەوە، “ژمارەی شەهیدەکان پێمان دەڵێت یەکێتی حزبی شەهیدانە و موڵکی هەموو خەڵکی کوردستانە، رۆژی شەهیدی یەکێتی، رۆژی نوێکردنەوەی پەیمانە لەگەڵ کۆمەڵانی خەڵکی کوردستان”.
لە کۆتایشدا قوباد تاڵەبانی دەڵێت، “نەمریی بۆ شەهیدان و سەربەرزی بۆ خانەوادە و کەسوکاریان”.
