بڕیارە سبەینێ یەکشەممە لە شاری بەغداد لایەنە سیاسییەکانی شاری کەرکوک لەگەڵ محەمەد شیاع سودانی دووەمین کۆبوونەوەی خۆیان ئەنجامبدەن.
پەیامنێری تۆڕی میدیایی ئێستا گواستییەوە، “بۆ کۆبونەوەکەی سبەینێ هەر پێکهاتە و لایەنێک کارنامەی خۆی بۆ شێوازیی ئیدارەدانی پارێزگای کەرکوک دەخاتەڕوو و پاشانیش تاوتوێی خاڵە ناکۆکاکانی نێو کارنامەکان دەکرێت”.
ئاشکراشیکرد، لێکنزیکبوونەوەی باش لەنێوان لایەنە سیاسییەکاندا هەیە، چاوەڕێ دەکرێت لە کۆبوونەوەکەدا بڕیاری گرنگ لەبارەی چۆنیەتی پێکهێنانی حکومەتی خۆجێی پارێزگاکە بدرێت.
