وتەبێژی تەندروستیی چەمچەماڵ، رایگەیاند، “ژنێکی تەمەن34 ساڵ بەهۆی هەورەبروسکەوە گیانیلەدەستدا”.
شەریف رەحیم، وتەبێژی تەندروستیی چەمچەماڵ، بە تۆڕی میدیایی ئێستای راگەیاند، “تەرمی ژنێک گەیەندرایە پزیشکی داد و دوای ئەنجامدانی توێکاری بۆ تەرمەکە دەرکەوت بەهۆی هەورەبروسکەوە گیانیلەدەستداوە”.
وتیشی، “ژنەکە تەمەنی 34 ساڵە و دانیشتووی گوندی کانی بناوی سەر بە ناحیەی تەکیەی کاکەمەندە لە قەزای چەمچەماڵ”.
باسی لەوەشکرد، “رووداوی لەو جۆرە لە سنوورەکەدا کەمە و ئەمەش یەکەم حاڵەتی لەمجۆرەیە لە ئەمساڵدا تۆمارکرابێت”.
