نیوەڕۆی ئەمڕۆ لەسەر رێگەی سلێمانی چەمچەماڵ نزیک شارۆچکەی گۆپاڵە رووداوێکی هاتوچۆ لەنێوان پاسێکی گواستنەوەی خوێندکاران و بارهەڵگرێک و ئۆتۆمبێلێکی نیسان پیکئاپدا روویدا و ژمارەیەک برینداری لێکەوتەوە.
بە پێی زانیارییەکانی تۆڕی میدیایی ئێستا، ” نیوەڕۆی ئەمڕۆ لەسەر رێگەی سلێمانی چەمچەماڵ نزیک شارۆچکەی گۆپاڵە رووداوێکی هاتوچۆ لەنێوان پاسێکی گواستنەوەی خوێندکاران و ئۆتۆمبێلێکی نیسان پیکئاپدا بارهەڵگرێکدا روویدا و ژمارەیەک لە سەرنشینانی پاسەکە برینداربوون”.
سامان نادر، لێپرسراوی سەنتەری فریاکەوتنی سلێمانی 122 بە تۆڕی میدیایی ئێستای راگەیاند، “زانیارییمان لەبارەی رووداوەکە پێگەیشتووە، بەڵام هێشتا ژمارەی قوربانییەکان نازانین چەندن، ئەمبۆڵانس و تیمی پزیشکیمان بۆ شوێنی رووداوەکە بەڕێکەوتوون”.
