ستران عەبدوڵا، ئەندامی سەركردایەتیی یەكێتیی نیشتمانیی كوردستان لە وتارێکیدا دەڵێت، “تا دوا چۆڕی مافی چارەنووس بەدیدێت، قەدەرمانە لەوە تێبگەین بزوتنەوەی سیاسیی کوردستان و دامەزراوەکانی کوردایەتی ئەسڵ و بنچینەن، دامەزراوە رەسمییەکان و راڕەوەکانی دەوڵەتداری لق و پۆپەکەن، ئەگەر ئەمانە تەڕ بن و کرمێ بوون و لە زۆر شوێندا داڕزان، دەبێ چاکبکرێن و رۆحیان بەبەردا بکرێتەوە، دەنا ئەوە دەقەومێ کە ئێستا قەوماوە”.
دەشڵێت، “فرمێسکی تیمساحی مەرێژن بۆ دار و دیواری درز تێکەوتوو، بەڵکو کارێک بکەن کە بە پەیڕەوی بزووتنەوەی سیاسیی کوردستان و پێوەری کوردایەتی راستەقینە درزەکانی پڕ بکەنەوە و کەموکوڕییەكانی سواقبدەن، ئەگەر وا بکەن هیچ غەوارەیەک دەرقەتی نایەت”.
ئەو ئەندامەی سەركردایەتیی یەكێتی ئاماژە بەو دەکات، “دەنا وەکیتر نەقڵی قەولی جاران پێویستە تا مەبەست بگات، میرزادە عیشقی، شاعیری ئازادیخواز و یەک لە ئەستێرەکانی ئاسمانی مەشروتە جوانی فەرموو، ئەوە چی جەمهوریەتێکە (رەزا پێنج تیر) داخوازی دەکا و عیشقی پێی نازانێ؟!”.
