بۆ ساڵی 2020، وڵاتی نەرویج گەورەترین بەكارهێنەری ئۆتۆمبێلی كارەبایی بووە لە جیهاندا، زیاتر لە نیوەی ئەو ئۆتۆمبێلە نوێیانەی ساڵی ڕابردووش خراونەتە بازاڕەوە ئۆتۆمبێلی كارەبایی بوون.
بەگوێرەی ئامارێكی OFV، زانیاری هاتوچۆ و ڕێگاوبان كە یاهوو نیوز ئەمڕۆ سێشەممە 5ی كانونی دووەم بڵاویكردووەتەوە، ئۆتۆمبێلە كارەباییەكان لە ساڵی 2020دا 54.3%ی بازاڕی ئۆتۆمبێلە نوێیەكانیان داگیركردووە، كە لەچاو ساڵی پێشوودا بە ڕێژەی 42.4% زیادی كردووە.
لەنێو ئەو وڵاتانەی زۆرترین ئۆتۆمبێلی كارەباییان لە ساڵی ڕابردوودا خستووەتەكارەوە، وڵاتی نەرویج ڕیزبەندی یەكەمی گرتووە، بە جۆرێك 50%ی كۆی ئەو ئۆتۆمبێلە نوێیانەی تابلۆیان دراوەتێ كارەبایی بوون.
چوار باشترین جۆری ئۆتۆمبێلیش لەڕووی كڕینەوە لە وڵاتانی ئەسكەندەنافی بریتی بوون لە “Audi e-tron، Tesla Model 3، Volkswagen ID.3 و Nissan Leaf” كە سەرجەمیان بە تەواوی كارەبایی بوون.
