وەزارەتی بەرگریی ئەمریکا بڵاویکردەوە، لە 18 ی ئۆکتۆبەرەوە تا ئێستا 186 هاوڵاتیی وڵاتەکەی لە عێراق و سوریا و ئوردن بوونەتە قوربانی.
وتەبێژی وەزارەتی بەرگریی ئەمریکا رایگەیاند، لە 18 ی ئۆکتۆبەرەوە تا ئێستا لە ئەنجامی هێرشی گروپە چەکدارەکان بۆ سەر هێزەکانمان لە عێراق و ئوردن و سوریا 186 هاوڵاتیی ئەمریکی برینداربوون کە 130 کەسیان برینەکانیان لە سەریاندایە.
ئەمە لە کاتێکدایە تا ئێستا گروپە چەکدارەکان لە هێرشکردنە سەر ئەو هێزانە نەوەستاون و پێشبینی دەکرێت لە داهاتوودا ژمارەی قوربانییەکان بەرزتر ببنەوە.
