سبەینێ شەممە ئەنجومەنی نوێنەرانی عێراق کۆدەبێتەوە و هێرشەکانی ئەم دواییانەی ئەمریکا تاووتوێدەکات.
بەپێی بەرنامەی کار، دانیشتنەکە لە کاتژمێر 5:00 ی ئێوارە دەستپێدەکات ئەو دەستدرێژیانە تاووتوێدەکرێت کە کراونەتە سەر سەروەری خاکی عێراق.
لای خۆیەوە ئەندامێکی لیژنەی ئاسایش و بەرگریی رایگەیاند، داواکارییەکیان بۆ بانگهێشتکردنی بەرپرسانی ئەمنی بۆ کۆبوونەوەکە پێشکەشکردووە، بەڵام تا ئێستا نازاندرێت سەرۆکایەتیی پەرلەمان بە داواکە رازی دەبێت یاخود رەتیدەکاتەوە.
