بەڕێوەبەرایەتیی گشتیی پەروەردەی سلێمانی رایدەگەیەنێت، كەمكردنەوەی پڕۆگرامەكانی خوێندن پۆلی نۆی بنەڕەتی ناگرێتەوە و هیچ وانەیەكی پۆلی نۆیەم كورتناكرێتەوە.
بەپێی نووسراوێكی بەڕێوەبەرایەتیی گشتیی پەروەردەی سلێمانی كە واژووی دڵشاد عومەر بەڕێوەبەری گشتیی پەروەردەكەی لەسەرە و ئاراستەی پەروەردەكانی رۆژهەڵات، رۆژئاوا، دەربەندیخان، چەمچەماڵ، پێنجوێن، شارباژێر، شارەزوور، سەیدسادق و دوكان و قەرەداغ كراوە و تێیدا هاتووە، “ئاگادارتان دەكەینەوە كەمكردنەوەی پڕۆگرامەكانی خوێندن، پۆلی نۆی بنەڕەتی ناگرێتەوە و هیچ وانەیەكی پۆلی نۆیەم كورتناكرێتەوە”.
پێشتریش ئالان حەمەسەعید وەزیری پەروەردەی هەرێم رایگەیاند، كەمكردنەوەی پڕۆگرامی خوێندن زیان بە خوێندكاران دەگەیەنێت و لە ئەنجومەنی وەزارەت بڕیارێك دەردەكرێت كە لە بەرژەوەندیی خوێندكاران بێت
